शनिवार, कार्तिक २२ गते २०८३
शनिवार, कार्तिक २२ गते २०८३
आइतवार , माघ १३, २०८१
काठमाडौँ, माघ । नेपाली कांग्रेसका महामन्त्री गगनकुमार थापाले यो सरकारका प्रधानमन्त्रीले गरेकोभन्दा आफूले राम्रो काम गरेर देखाउने बताएका छन् ।
भक्तपुरमा आज आयोजित एक कार्यक्रमलाई सम्बोधन गर्दै महामन्त्री थापाले भने , अहिलेका प्रधानमन्त्री, अब बन्ने प्रधानमन्त्री वा यसअघिका प्रधानमन्त्रीहरूभन्दा युवा पुस्ताबाट बन्ने प्रधानमन्त्रीले बढी राम्रो काम गरेर देखाउने बताएका हुन् ।
म अहिलेको प्रधानमन्त्री वा हुनेवाला प्रधानमन्त्री वा अस्ति भर्खर हुनुभएको प्रधानमन्त्री भन्दा हामी राम्रो प्रधानमन्त्री चलाउन सक्छौँ भन्नकुरा म अहिले पनि विश्वास गर्दछु ।
प्रधानमन्त्रीको ठाउँमा आजै बेलुका गएर हामीमध्ये कसैलाई प्रधानमन्त्री बनाउने हो भने अहिले चलाएको भन्दा राम्रो चलाउँछौँ । यति कुरा दाबाका साथ भन्नसक्छु । त्यही चलाउँछौँ भन्ने विश्वासका साथ बन्ने प्रयास पनि गरेको हो ।
म जिम्मा लिन्छु भनेर गएको पनि हो । ती प्रयासबाट आएका परिणामहरुलाई पनि स्वीकार्नुपर्छ । यो दशक अब फेरि खेर फाल्नु हुँदैन, महामन्त्री थापाले भने । महामन्त्री थापाले नेपाली नागरिकको समुन्नति अबको आवश्यकता भएको बताए ।
उनले नेपाल पहिलाको भन्दा धेरै विकसित भएको बताए । नेपालको अबको मुद्दा नेपालमै नागरिकलाई आत्मसम्मानका साथ जीविकोपार्जन गर्नसक्ने हुनुपर्ने बताए ।
