शनिवार, कार्तिक २२ गते २०८३
शनिवार, कार्तिक २२ गते २०८३
आइतवार , कार्तिक ४, २०८१
काठमाडौँ, कात्तिक । प्रधानमन्त्री केपी शर्मा ओलीले बाढी, पहिरो र डुबानबाट प्रभावितलाई राहत तथा पुनःस्थापना दिने कर्तव्य पूरा गर्न सरकार ढृढ र सक्रिय रहेको बताएका छन् ।
प्रधानमन्त्री दैवी प्रकोप उद्धार कोषमा आइतबार सहयोग हस्तान्तरण गर्न प्रधानमन्त्री तथा मन्त्रिपरिषद्को कार्यालय, सिंहदरबारमा आएका विभिन्न संस्थाका प्रमुख र प्रतिनिधिलाई धन्यवाद दिए ।
प्रधानमन्त्री ओलीले जाजरकोट केन्द्रबिन्दु भई गत वर्ष गएको भूकम्पका प्रभावितलाई ढिलै भए पनि दोस्रो किस्ता दिइएको र मनसुनजन्य विपद्बाट प्रभावितलाई छिटोछरितो रुपमा राहत वितरण गरिने बताए ।
प्रधानमन्त्री ओलीले विपद्लगत्तै सुरक्षा निकायसहित सबै अंगले प्रभावकारी काम गरेको दाबी गरेका थिए ।
प्रधानमन्त्री दैवी प्रकोप उद्धार कोषमा नेपाल आयल निगमबाट तीन करोड, युनिलिभर कम्पनीबाट ३० लाख (यसअघि २० लाख दिइसकेको), माछापुछ्रे बैंकबाट २५ लाख र पूर्वराष्ट्रसेवक कर्मचारी संगठनबाट एक लाख हस्तान्तरण गरिएको थियो ।
