शनिवार, कार्तिक २२ गते २०८३
शनिवार, कार्तिक २२ गते २०८३
मंगलवार , श्रावण ८, २०८१
काठमाडौँ, साउन । प्रतिनिधिसभाको आज बसेको बैठकमा गृहमन्त्री रमेश लेखकले मनसुनलगायत प्राकृतिक बिजत्तीमा परेका पीडितलाई राहतका लागि सबै जिल्लामा आवश्यक व्यवस्था मिलाइएको बताएका छन् ।
प्रतिनिधिसभा बैठकमा सांसदहरूले उठाएका प्रश्नको जवाफ दिदै गृहमन्त्री लेखकले भने, विपद्मा परी मृत्यु भएका र बेपत्ता भएकाका परिवारलाई राहत दिने काम निरन्तर रुपमा भईरहेको छ ।
संसदमा उनले भने, विपद्पछिको खोज, उद्धारका लागि नेपाल प्रहरीबाट ७ हजार १६९ जना र सशस्त्र प्रहरी बल, नेपालबाट ३ हजार ९५६ जना खटिइ ९८९ जनालाई सकुशल उद्धार गरिएको
छ ।
उनले थपे, विपद्मा परेर १३० को मृत्यु भएको र घाइते भएका १४४ मध्ये ५ जना बाहेक सबै उपचार गरी घर फर्किएको जानकारी दिएका छन ।
‘यस वर्षको मनसुन सुरु भएको २०८१ जेठ २८ गतेदेखि हालसम्म देशभर विभिन्न प्राकृतिक प्रकोपका १ हजार ५९२ घटना भएका छन् । जसमध्ये हालसम्म १३० जनाको मृत्यु भएको छ भने १४४ जना घाइते भएका छन ।
४८ जना बेपत्ता भएका छन् । त्यसैगरी ५९४ पशु चौपायको नोक्शानी भएको छ । २३१ घर र ८४ गोठमा क्षति पुगेको छ । हालसम्म ४३ वटा सानाठूला पुल बगेका छन, भत्केका छन् । २ वटा सरकारी भवन भत्किएका छन्,ु लेखकले भने, ु४ हजार ४ परिवार विस्थापित हुने अवस्था सृजना भएको संसदमा जानकारी दिईयो ।
जसमध्ये १ हजार ५९ परिवारलाई सुरक्षित आश्रय स्थलमा सारिएको छ भने बाँकी आफ्नै घरमा फर्किएका छन । मनसुनजन्य विपद्का कारणले देशका सबै ७७ वटै जिल्ला प्रभावित भएका छन् ।
