शनिवार, कार्तिक २२ गते २०८३
शनिवार, कार्तिक २२ गते २०८३
मंगलवार , बैशाख २५, २०८१
काठमाडौँ, वैशाख । नेपाल कम्युनिष्ट पार्टी (एकीकृत समाजवादी) को स्थायी समिति बैठक यही वैशाख २९ गते हुने भएको छ । बैठकमा आसन्न महाधिवेशनमा प्रस्तुत गरिने राजनीतिक दस्तावेज, विधान दस्तावेज, समाजवादी कार्यक्रमसम्बन्धी दस्तावेज र साङ्गठनिक दस्तावेजमा छलफल गरिने उपमहासचिव एवं प्रचार विभाग प्रमुख जगन्नाथ खतिवडाले जानकारी सञ्चारकर्मीलाई जानकारी दिएका छन ।
स्थायी समितिका निर्णयमा थप छलफल गर्न वैशाख ३० गते पोलिटब्यूरो बैठक बोलाइएको छ । दुवै कमिटीबाट आएका सुझाव सङ्कलन गरेर केन्द्रीय कमिटी बैठकमा पेस गरी साझा धारणा बनाउन लागिएको प्रचार विभाग प्रमुख खतिवडाले जानकारी दिएका छन ।
बैठकले प्रदेश, क्षेत्र र भूगोलको सन्तुलन मिलाएर प्रतिनिधि छनोटका कार्यविधिबारे, सङ्गठन विस्तार तथा पार्टी आधारभूत तहसम्म स्थापित गर्न आवश्यक कार्ययोजनाबारे छलफल गर्ने जनाइएको छ ।
एक केन्द्रिय सदस्ण्का अनुसार, नेकपा एमालेका अध्यक्ष ओलीले जसपा अध्यक्ष उपेन्द्र यादव देश बाहिर भएको अवस्थामा सत्ता र शत्ति तथा प्रलोभन देखाएर जसपा फुटाएसँगै आफ्नो दलमाथि हुनसक्ने दवाव र खतरामाथि छलफल हुने बताईएको छ ।
यसअघि सरकारमा रहँदा पनि जसपाका एक सांसद अपहरण गरेका थिए । त्यो मुद्धा यद्यपी छँदैछ । बलका भरमा अध्यक्ष ओलीले दबाएर राखेको उनले सम्झना गरे । उनले थपे, हाम्रो दलमाथि पनि यस्ता हुनसक्छ ।
उनले थपे, नेकपा समाजवादीमाथि पनि यस्तो खतरा हुने सम्भावना रहेको र त्यसबारे पनि चनाखो बन्ने र आगामी रणनिित तय गर्नेछ ।
यससँगै प्रचार विभाग प्रमुख खतिवडाले भने, देशभर साङ्गठनिक अवस्था, जनवर्गीय सङ्गठनको कार्य प्रगतिको समीक्षा गरिने बैठकमा सुशासन, जनजीविका, समसामयिक राजनीतिक विषयमा छलफल गरिने बताएका छन ।
पछिल्लो राजनीतिक अवस्था, उपनिर्वाचनको समीक्षासमेत हुने बैठकमा समान विचार राख्ने राजनितिक दल, सङ्घसस्था तथा समूहसँग भएका कार्यगत एकताबारे जानकारी गराइनेछ ।
आगामी असार १६ देखि २० गतेसम्म काठमाडौँमा पार्टीको दशौँ राष्ट्रिय महाधिवेशन हुँदैछ ।
