शनिवार, कार्तिक २२ गते २०८३
शनिवार, कार्तिक २२ गते २०८३
शनिवार , चैत्र १७, २०८०
काठमाडौँ, चैत । प्रधानमन्त्री पुष्पकमल दाहालले आज बालुवाटारमा , प्रमुख प्रतिपक्षी दल कांग्रेसका सभापति शेरबहादुर देउवा र सत्तारुढ एमालेका अध्यक्ष केपी शर्मा ओलीबीच भेटवार्ता गरेका छन ।
शनिबार साँझ प्रधानमन्त्रीको निवास बालुवाटारमा भएको भेटमा संसद्, संक्रमणकालीन न्याय र संवैधानिक परिषद्को बैठकका विषयमा छलफल भएको प्रधानमन्त्री दाहालको सचिवालयले जानकारी दिएको छ ।
नेपाली कांग्रेसले गृहमन्त्री रवि लामिछानेको सहकारी ठगीमा संलग्नतालाई लिएर संसद् अवरुद्ध गर्दै आएको छ । उसले संसदीय छानबिन समिति बनाउन माग गर्दै आएको छ ।
प्रतिनिधिसभा बैठक आइतबार बिहान ११ बजेका लागि बोलाइएको छ ।
संवैधानिक परिषद् बैठक पनि आइतबार बिहानै डाकिएको छ । संक्रमणकालीन न्यायसम्बन्धी विधेयक प्रतिनिधिसभा अन्तर्गतको कानुन, न्याय तथा मानवअधिकार समितिमा विचाराधिन छ ।
यी विषयहरुमा छलफल गर्न प्रधानमन्त्री दाहालले प्रमुख प्रतिपक्षी दलका नेता र एमाले अध्यक्ष ओलीलाई बोलाएका हुन् ।
काठमाडौंमा शनिबार एक कार्यक्रममा दाहालले सबै राजनीतिक दललाई राष्ट्रिय मुद्दामा मिलाएर लैजाने बताएका थिए ।
