शनिवार, कार्तिक २२ गते २०८३
शनिवार, कार्तिक २२ गते २०८३
सरकारी राहत कोषमा ५० लाख रुपैयाँ दिने निर्णय
आइतवार , कार्तिक १९, २०८०
काठमाडौँ, कात्तिक । नेपाली कांग्रेसले जाजरकोट भूकम्पबाट पीडितहरूको व्यवस्थापन सहजीकरणका लागि दुई महामन्त्रीको संयोजकत्वमा सहजीकरण समिति गठन गरेको छ ।
आइतबार बिहान बसेको केन्द्रीय कार्यसम्पादन समितिको बैठकले महामन्त्री गगन थापा र विश्वप्रकाश शर्माको संयोजकत्वमा भूकम्प व्यवस्थापन सहजीकरण समिति गठन गरेको हो ।
शुक्रबार मध्यरात गएको भूकम्पबाट प्रभावितहरूलाई तत्कालै उद्धार, राहत र पुनर्स्थापना गर्न सरकारको ध्यानाकर्षण गराएको छ ।
यसैगरी, कांग्रेसले पार्टीका तर्फबाट व्यवस्थापन सहजीकरण गर्न महामन्त्रीहरूको संयोजकत्वमा समिति गठन गरेको पार्टीका प्रचार विभाग प्रमुख मीन विश्वकर्माले जानकारी दिए ।
त्यस्तै कांग्रेसले भूकम्प पीडितका लागि सरकारी राहत कोषमा ५० लाख रुपैयाँ दिने निर्णय गरेको छ भने थप सहयोग रकम संकलन गर्न पार्टीका नेता तथा कार्यकर्ताहरू माँझ आव्हान गरेको छ ।
प्रचार विभाग प्रमुख विश्वकर्माले पार्टीको राहत कोषमार्फत् सरकारलाई हस्तान्तरण हुने गरी पार्टीका नेता कार्यकर्ता तथा जनप्रतिनिधिहरूबाट राहत संकलन गर्ने आव्हान गरिएको बताए ।
पार्टीको निर्णय लगत्तै नेता जीपछिरिङ लामाले ११ लाख रुपैयाँ र पूर्वसांसद दिव्यमणिराज भण्डारीले ५ लाख रुपैयाँ दिने घोषणा गरेका छन् ।
