शनिवार, कार्तिक २२ गते २०८३
शनिवार, कार्तिक २२ गते २०८३
तराईका केही स्थानमा हावा हुरीको सम्भावना
आइतवार , आश्विन ७, २०८०
काठमाडौं, असोज । जल तथा मौसम विज्ञान विभागले अबका तीन दिन भारी वर्षा हुने बताएको छ । हाल देशभर लगायतको मौसमबारे जानकारी दिदै महाशाखाले कोशी, बागमती, गण्डकी र लुम्बिनी प्रदेशको थोरै र बाँकी प्रदेशका एक/दुई स्थानमा हल्का देखि मध्यम वर्षा हुने जनाएको छ ।
राति कोशी, मधेस र गण्डकी प्रदेशका एक दुई स्थानमा भारी वर्षाको समेत सम्भावना रहेको छ भने मधेस र कोशी प्रदेशको तराई भू भागका थोरै स्थानहरूमा हावा हुरीको समेत सम्भावना रहेको जनाएको छ।
सोमबार कोशी, मधेस र बागमती प्रदेशहरूका केही स्थानहरूमा र बाँकी प्रदेशका थोरै स्थानहरूमा मेघ गर्जन चट्याङ सहित हल्का देखि मध्यम वर्षाको सम्भावना रहेको छ।
कोशी, मधेस र बागमती प्रदेशको एक / दुई स्थानमा भारी वर्षाको समेत सम्भावना रहेको छ।
मंगलबार कोशी, बागमती र गण्डकी प्रदेशका केही र बाँकी प्रदेशका थोरै स्थानहरूमा मेघ गर्जन चट्याङसहित हल्कादेखि मध्यम वर्षाको सम्भावना रहेको छ।
राती कोशी, मधेस, बागमती र गण्डकी प्रदेशका थोरै र बाँकी प्रदेशका एक दुई स्थानमा मेघ गर्जन चट्याङ सहित हल्का वर्षाको सम्भावना रहेको छ।
हाल मनसुनको न्यून चापीय रेखा पश्चिममा सरदर स्थानको आसपास र पूर्वमा सरदर स्थानभन्दा माथि अवस्थित छ।
साथै भारतको दक्षिण पश्चिम बिहार आसपासमा रहेको न्यून चापीय क्षेत्रको समेत प्रभाव रहेको छ।
महाशाखाले मेघ गर्जन चट्याङ र तराईमा हावा हुरीको जोखिम रहने हुँदा सोबाट हुन सक्ने क्षतिबाट बच्न आग्रह गरेको छ।
