शनिवार, कार्तिक २२ गते २०८३
शनिवार, कार्तिक २२ गते २०८३
प्रतिनिधिसभा बैठक दिउँसो १ र राष्ट्रियसभाको बिहान सवा ११ बजे बस्ने
शुक्रवार , आषाढ २९, २०८०
काठमाडौं, असार । आज प्रतिनिधि सभा र राष्ट्रिय सभाको बैठक बैठक बस्दै छ । सङ्घीय संसद्को भवन नयाँ बानेश्वरमा दुवै सदनको बैठक बस्दै छ । प्रतिनिधि सभाको बैठक दिउँसो १ बजे बस्दै छ भने राष्ट्रिय सभाको बैठक बिहान सवा ११ बजे बस्नेछ ।
प्रतिनिधि सभाको बैठकमा प्रतिनिधि सभाको बैठकमा उत्पत्ति भएको विनियोजन विधेयक २०८० का सम्बन्धमा राष्ट्रिय सभाबाट प्राप्त सन्देशसहितको जानकारी गराउने कार्यसूची छ ।
साथै केही नेपाल ऐन संशोधन गर्न बनेको विधेयक २०८० लाई अनुमति माग्ने प्रस्तावमाथि ज्ञानबहादुर शाही, प्रेम सुवाल, सोविता गौतम, सुमना श्रेष्ठ लगायतबाट प्राप्त विरोधको सूचनालाई निर्माणार्थ प्रस्तुत गरिँदै छ ।
कानून, न्याय तथा संसदीय मामिलामन्त्री धनराज गुरुङले केही नेपाल ऐन संशोधन गर्न बनेको विधेयक २०८० पेस गर्ने र शिक्षा, विज्ञान तथा प्रविधि मन्त्री अशोककुमार राईले राष्ट्रिय सभामका उत्पत्ति भएको नेपाल विश्वविद्यालय विधेयक २०८० माथि विचार गरियोस् भन्ने प्रस्ताव प्रस्तुत गर्ने कार्यसूची छ ।
त्यस्तै राष्ट्रिय सभामा अर्थमन्त्री डा। प्रकाशशरण महतले आर्थिक विधेयक २०८० माथिको दफावार छलफल सदनमा गरियोस्, आर्थिक विधेयक, २०८० पारित गरियोस् भन्ने प्रस्ताव प्रस्तुत गर्ने, भन्ने प्रस्ताव प्रस्तुत गर्नेछन् ।
साथै अर्थमन्त्रीले राष्ट्र ऋण उठाउने विधेयक २०८० माथिको दफावार छलफल सदनमा गरियोस् भन्ने प्रस्ताव प्रस्तुत गर्ने, राष्ट्र ऋण उठाउने विधेयक, २०८० पारित गरियोस् भन्ने प्रस्ताव प्रस्तुत गर्ने कार्यसूची रहेको छ ।
