शुक्रवार, कार्तिक २१ गते २०८३
शुक्रवार, कार्तिक २१ गते २०८३
' सरकारले अलोकतान्त्रिक चरित्र देखाइरहेको छ’
बिहिवार , बैशाख २८, २०८०
काठमाडौँ, बैशाख । नेकपा एमालेको केन्द्रीय कमिटीको पाँचौँ पूर्ण बैठक आज, बिहीबार, बाट सुरूभएको छ । बैठकमा अध्यक्ष केपी शर्मा ओलीले राजनीतिक प्रतिवेदन प्रस्तुत गरेका छन् ।
प्रतिवेदनमार्फत् अध्यक्ष ओलीले सत्ता पक्षले गठबन्धन गरेर विपक्षमाथि आक्रमण गर्ने चरम अलोकतान्त्रिक चरित्र देखाइरहेको आरोप लगाएका छन् ।
‘सत्ता पक्षले गठबन्धन गरेर विपक्षमाथि आक्रमण गर्ने चरम अलोकतान्त्रिक चरित्र देखाइरहेको छ । राष्ट्रिय महत्वका विषयमा नीतिगत सहमति खोज्ने होइन, मिलिजुली सत्ताभोग र दोहन गर्ने उद्देश्यले हुने यस्ता गठबन्धनले राजनीतिलाई थप विकृत बनाइरहेको छ,’ अध्यक्ष ओलीले भनेका छन् ।
अध्यक्ष ओलीले ०७८ सालमा सर्वोच्च अदालतको फैसलाबाट गलत बाटोमा अघि बढेको देशलाई आमनिर्वाचनपछि फेरि नयाँ कोर्समा लैजाने प्रयास भए पनि त्यो प्रयास असफल भएको बताएका छन् ।
‘पार्टीले ०७९ पुस १० गते नयाँ राजनीतिक सहकार्यको आधार निर्माण गर्यो । एमाले, माओवादी केन्द्रसहित सात दलको समर्थनमा सरकार बन्यो ।
सरकारले नीतिगत प्राथमिकता र न्यूनतम कार्यक्रम सार्वजनिक गरेसँगै समाजमा उत्साह देखा पर्यो । पुँजी बजारमा सकारात्मक प्रभाव देखियो ।
