बिहिवार, कार्तिक २० गते २०८३
बिहिवार, कार्तिक २० गते २०८३
निधिले भने : 'जनादेश नै यस्तो छ '
मंगलवार , चैत्र ७, २०७९
राजविराज, चैत । पाँच वर्षमा गठबन्धनबाट तीन जना प्रधानमन्त्री हुने सहमति रहेको कांग्रेसका नेता विमलेन्द्र निधिले बताएका छन् । उनले सप्तरीको कंचनरूप नगरपालिकामा मंगलबारदेखि सुरु भएको मेयर कप प्रतियोगिताको उद्घाटन गर्दै नेता निधिले थपे, अब सत्ता गठबन्धन पाँच वर्षसम्म टिक्ने र तीनजना प्रधानमन्त्री हुने सहमति भएको छ ।
उनले भने, 'अबको पाँच वर्ष संसद् विघटन हुँदैन तर प्रधानमन्त्री तीन जना बन्नुहुन्छ, निधिले भने, 'जनादेश नै यस्तो छ ।' यो संसद् पाँच वर्षसम्म कार्यान्वयनमा रहने भन्दै उनले केन्द्रमा सरकार पूर्णता पाएसँगै सातवटै प्रदेशमा गठबन्धनको सरकार निमाण हुने बताए ।
खेलमा हुने नियमजस्तै राजनीतिक खेलको नियम एमालेले नमानेका कारण सरकारबाट वाहिरिएको बताउँदै उनले निर्वाचनपछि सरकार गठनका बेला कांग्रेसबाट गल्ती भएको स्वीकार गरे ।
उनले २(३ दिनभित्रै सरकार पूर्ण हुने बताए । निधिले मन्त्रिपरिषद्मा आफू सहभागी हुने सम्भावना भने कम रहेको बताए।
