बिहिवार, कार्तिक २० गते २०८३
बिहिवार, कार्तिक २० गते २०८३
'शान्ति प्रक्रियालाई निष्कर्षमा पु¥याउन प्रयास गरिनेछ'
शुक्रवार , चैत्र ३, २०७९
काठमाडौँ, चैत । नवनिर्वाचित उपराष्ट्रपति रामसहायप्रसाद यादवले राष्ट्रिय एकतालाई मजबुद र प्रवद्र्धन गर्न इमान्दारितापूर्वक आफूले भूमिका निर्वाह गर्ने प्रतिबद्धता व्यक्त गरेका छन ।
उपराष्ट्रपतिमा निर्वाचित भएपछि सञ्चारकर्मीसँग प्रतिक्रिया दिँदै उनले भने, “मुलुक समृद्ध रुपमा अगाडि बढोस्, शान्तिप्रक्रिया निष्कर्षमा पुग्न बाँकी छ । शान्ति प्रक्रियालाई निष्कर्षमा पु¥याउनका लागि पनि मेरोतर्फबाट हुने प्रयास मैले इमान्दारिपूर्वक गर्नेछु ।”
यादव जनता समाजवादी पार्टीबाट उपराष्ट्रपतिको उम्मेदवार हुन । उनले सङ्घीय संसद्तर्फ १८४ र प्रदेशतर्फ ३२९ मत (कूल ३० हजार ३२८ मतभार) प्राप्त गरे ।
उनका प्रतिद्वन्द्वी नेकपा (एमाले) का अष्टलक्ष्मी शाक्य (बोहरा) ले सङ्घतर्फ १०४ र प्रदेशतर्फ १६९ (कूल १६ हजार ३२८ मतभार) प्राप्त गरे । नवनिर्वाचित उपराष्ट्रपति यादवलाई प्रमुख निर्वाचन आयुक्त दिनेशकुमार थपलियालले निर्वाचित भएको प्रमाणपत्र दिए ।
नवनिर्वाचित उपराष्ट्रपतिलाई प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति एवम् पूर्वप्रधानमन्त्री शेरबहादुर देउवालगायतले बधाई दिएका छन ।
