बिहिवार, कार्तिक २० गते २०८३
बिहिवार, कार्तिक २० गते २०८३
बिहिवार , माघ १२, २०७९
काठमाडौँ, माघ । पूर्वप्रधानन्यायाधीश सुशीला कार्कीले राष्ट्रपति विद्यादेवी भण्डारीको राजा जस्तै ब्यवहार भएको टिप्पणी गरेकी छन् । नेपाल कानुन समाज लगायतका संस्थाले संयुक्त रुपमा गरेको आमनिर्वाचन-२०२२ को मिडिया अनुगमन प्रतिवेदनसम्बन्धी राष्ट्रिय कार्यशाला गोष्ठीमा उनले सो कुरा बताएकी हुन ।
पूर्वप्रधानन्यायाधीश कार्कीले राष्ट्रपति भण्डारीको सवारीका कारण आफूले दुःख पाएको भन्दै असन्तुष्टि समेत पोखेकी थिईन । उनले आयोगको कार्यक्रममा आउँदा राष्ट्रपतिको सवारीका कारण आफू लामो बाटो घुमेर आउनुपरेको उल्लेख गरिन् ।
उनले थपिन्, 'राजाले ठीक गरेनन् भनेर आउने मान्छेहरु पनि राजा जस्तै भए ।' पूर्वप्रधानन्यायाधीश कार्कीले पुराना प्रतिनिधिको मानसिक विकास हुन नसकेको भन्दै गत निर्वाचनबाट युवाहरु आउनु सकारात्मक भएको बताइन् ।
'राम्रा व्यक्तिहरुलाई प्रतिनिधि बनाउन सकिएमा मुलुकले राम्रो बाटो पाउने उनले आस व्यक्त गरिन् । ‘राष्ट्रपतिबाट मैले पनि दुःख पाएँ ।'
कहाँबाट आउनुपर्ने, सर्टकटमा आउनुपर्ने धेरै घुमेर आउनपर्यो आज । राजाले ठीक गरेनन् भनियो, आउने मान्छेहरु पनि राजा जस्तो भए,’उनको भनाइ थियो ।
गत निर्वाचनबाट पुरानो मानसिकताहरु फिल्टर हुँदै गएको भन्दै उनले नयाँ सोचाई भएका कर्मठ युवा, युवतीहरु आगामी दिनमा अझ आउनुपर्ने बताइन् ।
